ໃນວັນທີ 7 ທັນວາ ນີ້, ທ່ານ ບຸນເຫຼືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ ໄດ້ໃຫ້ກຽດເຂົ້າຮ່ວມ ແລະ ກ່າວເປີດກອງປະຊຸມເຜີຍແຜ່ຜົນຂອງກອງປະຊຸມສຸດຍອດອາຊຽນ ຄັ້ງທີ 42 ແລະ 43ແລະ ການກະກຽມໃຫ້ແກ່ການເປັນປະທານອາຊຽນຂອງ ສປປ ລາວ ໃນປີ 2024 ທີ່ ເມືອງວັງວຽງ ແຂວງວຽງຈັນ ຊຶ່ງກອງປະຊຸມຄັ້ງນີ້ ເປັນໜຶ່ງໃນກິດຈະກຳທີ່ໄດ້ຮັບການຮ່ວມມື ແລະ ສະໜັບສະໜູນໂດຍສູນອາຊຽນ-ຍີ່ປຸ່ນປະຈຳສົກປີ 2023 ໂດຍມີຜູ້ຕາງໜ້າຈາກເສົາຄໍ້າປະຊາຄົມເສດຖະກິດອາຊຽນ ແລະ ຫົວໜ້າເຈົ້າໜ້າທີ່ອາວຸໂສຈາກເສົາຄໍ້າວັດທະນະທໍາ-ສັງຄົມອາຊຽນ, ບັນດາກະຊວງຂະແໜງການຕ່າງໆອ້ອມຂ້າງຈາກສູນກາງ ແລະພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້ແມ່ນເພື່ອເຜີຍແຜ່ກອງປະຊຸມເຜີຍແຜ່ຜົນຂອງກອງປະຊຸມສຸດຍອດອາຊຽນ ຄັ້ງທີ 42 ແລະ 43ແລະ ການກະກຽມໃຫ້ແກ່ການເປັນປະທານອາຊຽນຂອງ ສປປ ລາວ ໃນປີ 2024 ໂດຍມີຜູ້ຕາງໜ້າຈາກ3 ເສົາຄໍ້າປະຊາຄົມອາຊຽນ ຂຶ້ນບັນລະຍາຍສະຫຼຸບການເຄື່ອນໄຫວວຽກງານອາຊຽນຄື: ກົມອາຊຽນ,ກະຊວງການຕ່າງປະເທດໄດ້ຂຶ້ນເຜີຍແຜ່ສະຫຼຸບວຽກງານເສົາຄໍ້າປະຊາຄົມການເມືອງ-ຄວາມໝັ້ນຄົງອາຊຽນລວມທັງຜົນກອງປະຊຸມສຸດຍອດອາຊຽນ ຄັ້ງທີ 42 ແລະ 43 ແລະ ກອງປະຊຸມທີ່ກ່ຽວຂ້ອງ, ການກະກຽມໃຫ້ແກ່ການເປັນປະທານອາຊຽນຂອງສປປ ລາວ ໃນປີ 2024 ຊຶ່ງໂອກາດນີ້, ທ່ານຮອງຫົວໜ້າກົມອາຊຽນ, ກະຊວງການຕ່າງປະເທດ ໃນນາມກອງເລຂາອາຊຽນແຫ່ງຊາດ ໄດ້ແຈ້ງໃຫ້ທີ່ປະຊຸມຊາບ ກ່ຽວກັບການກະກຽມຄວາມພ້ອມໃຫ້ແກ່ການເປັນປະທານອາຊຽນຂອງ ສປປ ລາວ ໃນປີ 2024 ຊຶ່ງ ສປປ ລາວ ໄດ້ຮັບກຽດເປັນປະທານອາຊຽນ ຄັ້ງທີ 3 ພາຍໃຕ້ຄໍາຂວັນ:ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ (ASEAN: Enhancing Connectivity and Resilience) ໂດຍການເປັນປະທານອາຊຽນຂອງ ສປປ ລາວ ຈະເລີ່ມຂຶ້ນຢ່າງເປັນທາງການໃນວັນທີ 1 ມັງກອນ 2024 ມີເປົ້າໝາຍສຸມໃສ່ຄວາມສາມັກຄີ ແລະ ຄວາມເປັນແກນກາງຂອງອາຊຽນ, ການຮ່ວມມືພາຍໃນອາຊຽນ, ອາຊຽນກັບບັນດາຄູ່ຮ່ວມມືພາຍນອກ, ເພີ່ມທະວີການເຊື່ອມໂຍງ-ເຊື່ອມຈອດແລະ ສ້າງຄວາມເຂັ້ມແຂງໃນອາຊຽນ. ພ້ອມນີ້, ກໍມີຜູ້ຕາງໜ້າຈາກເສົາຄໍ້າປະຊາຄົມເສດຖະກິດ ແລະ ເສົາຄໍ້າປະຊາຄົມວັດທະນະທຳ-ສັງຄົມອາຊຽນໄດ້ຂຶ້ນບັນລະຍາຍສະຫຼຸບວຽກງານການເຄື່ອນໄຫວທີ່ຮັບຜິດຊອບພາຍໃຕ້ເສົາຄໍ້າຂອງຕົນ.
ໃນກອງປະຊຸມຄັ້ງນີ້, ຜູ້ຕາງໜ້າຈາກບັນດາກະຊວງຂະແໜງການກ່ຽວຂ້ອງກໍຄືບັນດາຈຸດປະສານງານອາຊຽນ ໄດ້ແຈ້ງໃຫ້ກອງປະຊຸມຊາບກ່ຽວກັບການກະກຽມຄວາມພ້ອມຂອງພາກສ່ວນຕົນຮັບຜິດຊອບ ກໍຄືໄດ້ປະກອບຄໍາຄິດເຫັນ ທັງຂໍ້ສະເໜີ, ຂໍ້ສະດວກແລະຂໍ້ຫຍຸ້ງຍາກຕ່າງໆໃຫ້ທີ່ປະຊຸມຊາບ ເພື່ອສືບຕໍ່ກະກຽມຄວາມພ້ອມຮອບດ້ານໃນການເປັນປະທານອາຊຽນຂອງ ສປປ ລາວ ໃນປີ 2024.ກອງປະຊຸມເຜີຍແຜ່ການເຄື່ອນໄຫວວຽກງານອາຊຽນ ແມ່ນເປັນກິດຈະກໍາໜຶ່ງທີ່ຈັດຂຶ້ນທຸກປີ ທີ່ໄດ້ຮັບການສະໜັບສະໜູນຈາກ ສູນອາຊຽນ-ຍີ່ປຸ່ນ.
ຂ່າວ-ພາບ: ກະຊວງການຕ່າງປະເທດ
ຈຸດປະສົງຂອງກອງປະຊຸມຄັ້ງນີ້ແມ່ນເພື່ອເຜີຍແຜ່ກອງປະຊຸມເຜີຍແຜ່ຜົນຂອງກອງປະຊຸມສຸດຍອດອາຊຽນ ຄັ້ງທີ 42 ແລະ 43ແລະ ການກະກຽມໃຫ້ແກ່ການເປັນປະທານອາຊຽນຂອງ ສປປ ລາວ ໃນປີ 2024 ໂດຍມີຜູ້ຕາງໜ້າຈາກ3 ເສົາຄໍ້າປະຊາຄົມອາຊຽນ ຂຶ້ນບັນລະຍາຍສະຫຼຸບການເຄື່ອນໄຫວວຽກງານອາຊຽນຄື: ກົມອາຊຽນ,ກະຊວງການຕ່າງປະເທດໄດ້ຂຶ້ນເຜີຍແຜ່ສະຫຼຸບວຽກງານເສົາຄໍ້າປະຊາຄົມການເມືອງ-ຄວາມໝັ້ນຄົງອາຊຽນລວມທັງຜົນກອງປະຊຸມສຸດຍອດອາຊຽນ ຄັ້ງທີ 42 ແລະ 43 ແລະ ກອງປະຊຸມທີ່ກ່ຽວຂ້ອງ, ການກະກຽມໃຫ້ແກ່ການເປັນປະທານອາຊຽນຂອງສປປ ລາວ ໃນປີ 2024 ຊຶ່ງໂອກາດນີ້, ທ່ານຮອງຫົວໜ້າກົມອາຊຽນ, ກະຊວງການຕ່າງປະເທດ ໃນນາມກອງເລຂາອາຊຽນແຫ່ງຊາດ ໄດ້ແຈ້ງໃຫ້ທີ່ປະຊຸມຊາບ ກ່ຽວກັບການກະກຽມຄວາມພ້ອມໃຫ້ແກ່ການເປັນປະທານອາຊຽນຂອງ ສປປ ລາວ ໃນປີ 2024 ຊຶ່ງ ສປປ ລາວ ໄດ້ຮັບກຽດເປັນປະທານອາຊຽນ ຄັ້ງທີ 3 ພາຍໃຕ້ຄໍາຂວັນ:ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ (ASEAN: Enhancing Connectivity and Resilience) ໂດຍການເປັນປະທານອາຊຽນຂອງ ສປປ ລາວ ຈະເລີ່ມຂຶ້ນຢ່າງເປັນທາງການໃນວັນທີ 1 ມັງກອນ 2024 ມີເປົ້າໝາຍສຸມໃສ່ຄວາມສາມັກຄີ ແລະ ຄວາມເປັນແກນກາງຂອງອາຊຽນ, ການຮ່ວມມືພາຍໃນອາຊຽນ, ອາຊຽນກັບບັນດາຄູ່ຮ່ວມມືພາຍນອກ, ເພີ່ມທະວີການເຊື່ອມໂຍງ-ເຊື່ອມຈອດແລະ ສ້າງຄວາມເຂັ້ມແຂງໃນອາຊຽນ. ພ້ອມນີ້, ກໍມີຜູ້ຕາງໜ້າຈາກເສົາຄໍ້າປະຊາຄົມເສດຖະກິດ ແລະ ເສົາຄໍ້າປະຊາຄົມວັດທະນະທຳ-ສັງຄົມອາຊຽນໄດ້ຂຶ້ນບັນລະຍາຍສະຫຼຸບວຽກງານການເຄື່ອນໄຫວທີ່ຮັບຜິດຊອບພາຍໃຕ້ເສົາຄໍ້າຂອງຕົນ.
ໃນກອງປະຊຸມຄັ້ງນີ້, ຜູ້ຕາງໜ້າຈາກບັນດາກະຊວງຂະແໜງການກ່ຽວຂ້ອງກໍຄືບັນດາຈຸດປະສານງານອາຊຽນ ໄດ້ແຈ້ງໃຫ້ກອງປະຊຸມຊາບກ່ຽວກັບການກະກຽມຄວາມພ້ອມຂອງພາກສ່ວນຕົນຮັບຜິດຊອບ ກໍຄືໄດ້ປະກອບຄໍາຄິດເຫັນ ທັງຂໍ້ສະເໜີ, ຂໍ້ສະດວກແລະຂໍ້ຫຍຸ້ງຍາກຕ່າງໆໃຫ້ທີ່ປະຊຸມຊາບ ເພື່ອສືບຕໍ່ກະກຽມຄວາມພ້ອມຮອບດ້ານໃນການເປັນປະທານອາຊຽນຂອງ ສປປ ລາວ ໃນປີ 2024.ກອງປະຊຸມເຜີຍແຜ່ການເຄື່ອນໄຫວວຽກງານອາຊຽນ ແມ່ນເປັນກິດຈະກໍາໜຶ່ງທີ່ຈັດຂຶ້ນທຸກປີ ທີ່ໄດ້ຮັບການສະໜັບສະໜູນຈາກ ສູນອາຊຽນ-ຍີ່ປຸ່ນ.
ຂ່າວ-ພາບ: ກະຊວງການຕ່າງປະເທດ
ຄໍາເຫັນ